...Zara Ye Bata

Aankho mein nafrat ki aag liye

usne pucha mujhse bol zara tu

bol kya tu sach mein paak hai

ya ye mera veham bhar hai

Tabhi mere lab muskaaney se lagey

aur hasi ki kilkaari si nikal gayi

Mein kya jaanu kya hai veham tera

ya kyon kiya hai ye sawaal tune aaj

mujhse meri paakisgi puchne wale

Zara ye bata -

Tu kaise yu haiwa ban gaya

tujhe toh mein khuda maan bethi thi...

...Zindagi...

Zindagi is mukaam pe aake khadi hui hai, jaha

Bitey kal ki suhani yadein dhundli

Aaj ka sach Andhera

Aur Aane wala kal kora dikhai de raha hai

Jane kaise pahochi hu yaha

Jane aage kaha jaungi

Kuch bhi haath nahi mere

Koi bhi toh saath nahi mere

...Maa...

Mere sapno ki dor meri Maa se bandhi si hai,

Mere muskaane se uske Honto pe hasi aati si hai

Hasne mein jaroor thodi Kanjusi karti hai wo,

Par nam aankho ko dekhkar meri Aansu khub bhahati hai wo

Rana ji

Rann ki mitti se aaenge,

Rana mhare mhara jeevan tar jaenge...

Mein bel hawa ka jhoka khake gir sakti hun,

Wo haath thamke mera mujhko apna kar lejaenge...

Bach Na Paega Tu

- Us bahadur photojournalist ke naam jise aaj kuch hadh tk insaaf mila hai Shakti Mill Case mein....

Tu jab chota tha tb mein Jaan thi teri, Maa thi teri,

Tujhse choti bani tb Maan thi teri - Behen thi teri,

Tu jo school gaya toh Aadar bani teri - Teacher bani teri...

Alhad Jawani ke saath badla tera nazariya,

Kabhi khwab ka kissa bani,

toh kabhi chahat ka hissa bani,

Ye sab toh thik tha, Samaz tb tk Satik tha...

Nazarie ki jagah aaj badal gaya hai tu,

Insaan ki jagah Hewan jo ban gaya hai tu,

Kal tak thi mein Mandir ki murat,

Kaahe dekh li tune mujh mein pashu ki surat...

Mere Aanchal ko rond gaya tu,

Mere nirbal tan ko khula chod gaya tu,

Mere aansoo lal hai behetey,

Mere lab ab kuch na kehtey...

Ye na samjh mein toot gayi hun,

Andar hi andar fir aaj jud rahi hun,

Saza toh milegi bach na paega tu,

Umra ked nahi Faasi pe latak jaega tu...

* (All the pics used in this blog are taken from the net.)